神話屋 (已結業)

今次同朋友慶祝生日，事前，職員已經電話同我確認咗生日牌嘅詳情。我會用完美去形容今次嘅用餐體驗，環境擺設靚，多打卡位，職員服務態度非常之好，人手充足，好用心去觀察客人嘅需要，又會詳細介紹每道菜。見我哋調咗出去露天位置欣賞live band，主動問我哋要唔要暖水，好細心。食物方面，我覺得味道出色有新意，最鍾意清酒味醂鮑魚配凍椰子濃湯，飲品同甜品都有驚喜，基本上係讚不絕口。Live band令成晚嘅氣氛更加chill，仲有點歌環節，好開心，呢個組合好得，會揀呢隊live band表演嘅日子再嚟食飯。推薦大家嚟慶祝生日或者周年紀念！