壽司仔 (已結業)

想食日本野，但係附近又無平啲嘅日本野。結果比我發現到呢間，又平又正嘅餐廳💥佢可以用app叫，如果係外賣自取嘅話仲有8拆優惠🤤去到嘅話，有好多個準備好嘅壽司🍣或者前菜小食但當然都有好多其他選擇，有張落單紙，可以自己揀要幾多件壽司仲有唔同嘅丼飯比你選擇，我同男朋友覺得雜錦魚生飯係最抵食！因為唔單止切左粒粒，仲要每樣魚生都有少少！個人覺得火炙三文魚腩超級好食，次次都必叫！仲有個珍寶帶子壽司都超級正！