大勝丼 (已結業)

可愛日本和食的我， 午餐想找一達幽靜的地方鬆一鬆。 輕輕鬆鬆食過有質素的午餐， 喺旺角呢個人煙密集的地方， 我好多時都會找樓上的餐廳。 貪佢地方闊落啲而且又唔會咁趕時間， 服務員都比較殷勤有禮唔會催你。日式餐廳都裝修得幾骨子, 座位也比較闊落舒適。十二點入座剛剛好, 如果太遲就會冇位。我叫咗我最喜愛的鰻魚井， 鰻魚井大大碗原條鰻魚上， 鰻魚燒得焦香。 中間有一隻日本溫泉蛋， 蛋黃味豐富， 半生熟 用嚟撈飯最滿足。厚切三文魚總共有三片， 大大片咬落口感好， 新鮮 好味。