摩登士丹里 (已結業)

呢間士丹里係成日都聽人講好好食，又無時間食，今次終於有機會同我朋友一齊試下。鋪頭細細，就係中國銀行隔離，都幾難揾。鋪頭入面主要賣芋圓，但都有奶茶飲品個啲叫，去到就無咩人排隊，好快就到我地。我地今日既飯後甜品叫左個芋圓一號，紅豆沙做底，再加上芋圓，珍珠，同小丸子。如果有啲人想有吾同既組合就可以揀「有得揀芋圓系列」，呢個係可以自己揀要咩湯底，有鮮草，紅豆沙，豆花凍底同紫米露底。亦都有好多配料比大家揀，例如寒天，涼草，花生等等，入面已一早包一份芋圓。芋圓一號既紅豆沙都好大碗，甜度適中，係嫌稀左少少，芋圓都好有咬口，不過個人覺得吾係太夾咁，可能吾係我平時食開既芋圓，珍珠相對就比較普通，吾覺得特別彈牙，而小丸子都係普普通通。所以，如果有機會再食，我會叫另一個口味，整體黎講都係一般般。