一茶詞 (已結業)

呢間咁難飲嘅鋪頭，竟然無負評😨雖然個環境係ok，有得比你打下卡咁杯野飲望落去都係正正常常，但一飲落去真係有好大嘅反差。嗌左杯特濃紫薯鮮奶同黑糖珍珠鮮奶都唔掂，甚至稱得上係神奇😵建議大家不如行多兩步再加多一蚊飲老虎堂仲好。呢杯特濃紫薯鮮奶真係好神奇，因為佢就咁飲落去只有微弱嘅紫薯味，但係自稱特濃🤪入面嘅紫薯粒就咁食的話係完全無味😨有d懷疑自己食左乜。呢杯黑糖珍奶又係木好神奇，皆因佢望落去掛晒杯咁，一飲落去又*好似*有黑糖味，但再飲第二啖發現，拖肥味黎嘅喂！唔知係佢有心魚目混珠定落錯啦😵，但真係好失望囉，珍珠又好似食緊膠咁。不過大家想試下拖肥珍奶都可以一戰嘅。