大勝丼 (已結業)

今日公司年近歲晚,工作量大增,真係做到有氣無地抖,所以今晚去食果間餐廳既形容詞多數係性價比高、抵食,叫做"大勝丼",故名思義係食日本丼飯，咁今晚我地叫左個帆立貝海膽丼,依個丼用料非常新鮮,帆立貝味道鮮甜而且肉質富彈性,有入口即化既感覺。仲有黃澄澄既海膽鋪係珍珠米上,食落去,一點點腥,一點點咸,係一種想像中既清凈海水既味道 - 舌尖輕呡,慢慢咁壓出左一絲甜,果種屬於海鮮特有既清甜以及無以言表既鮮味。另外叫左個照燒鯖魚丼,一般吃烤鯖魚最怕就係有腥味,但今晚吃既時候就無依個問題,不但肉質食起黎入味,而且有魚肉本身既鹹甜,加入檸檬後更加爽口。最後叫左炸蒜香雞軟骨,炸蒜味十足,食起來脆脆又嫰嫰咁,口感很特別,而肉質好飽滿,食起黎好紮實,口感勁鮮嫰,送啤酒一流，埋單仲有88折。