墨西哥卷專門店 (已結業)

想留肚掃街所以叫左個細份嘅墨西哥牛肉卷，$23。買嗰陣無乜人但都等左5~10分鐘，估計D牛肉係即場烤熟，果然拎上手係熱的。生菜同牛肉嘅份量都幾多，食到底都有，唔會淨係得個樣（即係d料堆曬係面頭但入面空心咁）。肉味唔算太出，不過勝在彈牙有肉汁，唔會燒到乾曬身咁。配料唔太多，有生菜、一片蕃茄同沙律醬，不過呢個價錢又不能期望太高，整體都算OK。