極尚大喜屋 (加連威老道) (已結業)

食過大喜屋同殿大喜屋，今次終於有機會食到極尚大喜屋😍一如既往，雖然已經訂咗位，不過都要早少少到達排隊拎籌先可以入座☺️入到去之後，感覺比大喜屋同殿大喜屋更舒服更寬敞。雖然我地一行二人要同其他食客搭枱坐四人位，但都唔會覺得好逼好唔舒服😜終於點嘢食啦，員工工作效率良好，好快就收走點餐紙，大約等咗五分鐘就有嘢食😋我地叫咗刺身、壽司、串燒、沙律、天婦羅⋯⋯😆食物質素都保持得好好，刺身夠新鮮同熟食夠熱🔥👍🏻甜品方面仲有一杯haagen dazs雪糕送添😋😋值得一提嘅係坐喺我地隔離嘅一家三口不斷投訴漏單，但我地就好好彩，大部份嘅食物都到齊，係唯一last order叫嘅咖喱炒蟹🦀等咗三十分鐘，最後係我地走嗰一刻先到😂😂