影片
更多
2010-10-09
358 瀏覽
金龍船係西寶城開幕冇耐已經開始營業，可惜質素每況愈下，客量愈來愈少，最終係今年7月捱唔住要結業，不過佢都做咗好多年，算長命架啦!其實我好少幫襯金龍船，因為佢嘅食物、環境、服務、衛生各方面質素都麻麻地，而且價錢唔化算，令我對佢冇乜信心!所謂一雞死一雞鳴，金龍船結業後，好快就由海港接手啦!海港裝修咗個幾月，終於係9月底開業!我去到果陣都幾多人等位，不過新開張係咁架啦!海港係我首次嚟幫襯，今次各方面質素唔錯，可惜價錢唔係幾化算，點心選擇唔多，不過總算冇令我失望啦!味道方面，今次2個人叫咗幾款點心、2盅蒸飯，味道皆唔錯!食物包括1)蒜茸蒸鮮魷:鮮魷都幾新鮮!至於蒜茸汁就好惹味，墊碟底嘅粉絲索咗D汁嚟食好好味!(2)四寶滑雞扎:用料新鮮正宗，材料有雞件、冬菇、火腿同魚肚!各材料都夠入味!(3)沙爹金錢肚:貨不對辦，果D根本唔算係金錢肚，我本來冧住退貨!不過念在佢果D假金錢肚都整得唔錯，咁就算啦!(4)蜜汁叉燒腸:叉燒餡料算足，味道適中!(5)鳳爪排骨飯:鳳爪排骨入味，飯量幾足! (6)野菌雞粒飯:比鳳爪排骨飯較遜色，但係都算係咁!環境方面，佢嘅新裝修比起金龍船差好遠，入到去耳目一新!佢嘅裝修設計
味道方面，今次2個人叫咗幾款點心、2盅蒸飯，味道皆唔錯!食物包括:
(1)蒜茸蒸鮮魷:鮮魷都幾新鮮!至於蒜茸汁就好惹味，墊碟底嘅粉絲索咗D汁嚟食好好味!
(2)四寶滑雞扎:用料新鮮正宗，材料有雞件、冬菇、火腿同魚肚!各材料都夠入味!
(3)沙爹金錢肚:貨不對辦，果D根本唔算係金錢肚，我本來冧住退貨!不過念在佢果D假金錢肚都整得唔錯，咁就算啦!
(4)蜜汁叉燒腸:叉燒餡料算足，味道適中!
(5)鳳爪排骨飯:鳳爪排骨入味，飯量幾足!
(6)野菌雞粒飯:比鳳爪排骨飯較遜色，但係都算係咁!
環境方面，佢嘅新裝修比起金龍船差好遠，入到去耳目一新!佢嘅裝修設計可以話分兩區，一區就比較豪華同高雅，另一區就比較富時代感同新潮，兩區嘅裝修有好大分別!佢有引入電腦座位分配系統(電腦票、電視屏幕顯示叫號及電腦聲音叫號)，場內仲有多部名牌大電視，佢比起好多酒樓算落本!再加埋佢呢個舖唔算細，又唔係身處於舊樓中，冇柱多、橫樑多及樓底矮嘅問題，整體都坐得舒適又幾靚!
服務方面，不過不失啦，做野算勤快醒目!某D員工有禮貌，有D就粗聲粗氣!如果各個服務員有多D適當嘅笑容就好啦!
衛生方面，碗碟算乾淨，地方企理!洗手間就由西寶城打理，唔關佢事!
抵食方面，假期下午茶茶位$6，點心就大中小點一律$13.5，冇其他特惠點心紙!呢個價錢係西環嚟講唔算抵囉!
整體來講，價錢唔係幾化算，點心選擇唔多!至於食物、環境、服務、衛生各方面質素都唔錯，總算幫襯得過啦!
張貼
