影片
更多
2009-05-16
星期六，冇任何約會，也樂得清閒，唯一憾事未能成功約一大班朋友去品嚐美食，間接限制咗選擇。一個人用膳，只有西餐一途，恰巧屋企附近有一間名聲唔錯嘅漢堡包店，成為筆者是日之選。西式漢堡包以材料豐富取勝，所以價錢一般大約訂於五十蚊左右，特別餡料超過一百蚊也不足為奇。這裡有大約十數款漢堡包款式供應，此外還有幾款熱狗及小食售賣，看賣相都唔錯。筆者選了一款芝士漢堡包及一杯意大利Lavazza咖啡。先講漢堡包size，唔係誇張，厚度要以「尺」做單位，幾乎有半尺高。望住呢個「高聳入雲」嘅漢堡包，筆者頓時發呆，因為筆者在躊躇怎樣去吃呢個包，一啖由頂到底咬下，有點不可思議，唯有揭起麵包，食咗部分餡料，令漢堡包厚度減至「可以一啖咬得落」嘅程度。餡料十分豐富，有生菜、蕃茄、酸瓜，當然主角漢堡扒也份量十足。漢堡扒即叫即煎，肉汁豐富，稍為擠壓肉汁就洶湧而出，肉味也不怠，加上溶化嘅芝士、洋蔥粒、茄汁及墨西哥辣椒汁，係漢堡扒嘅最佳拍檔。有一點加分嘅地方係其麵包經烘焗之後，鬆軟可口，比港式漢堡包王「時新」嘅嘉頓麵包更佳。要彈嘅就係肉汁加醬汁，太多液體，令麵包底索滿水份，吃起來十分論盡；Lavazza咖啡名氣大，入口比較淡
西式漢堡包以材料豐富取勝，所以價錢一般大約訂於五十蚊左右，特別餡料超過一百蚊也不足為奇。這裡有大約十數款漢堡包款式供應，此外還有幾款熱狗及小食售賣，看賣相都唔錯。筆者選了一款芝士漢堡包及一杯意大利Lavazza咖啡。
先講漢堡包size，唔係誇張，厚度要以「尺」做單位，幾乎有半尺高。望住呢個「高聳入雲」嘅漢堡包，筆者頓時發呆，因為筆者在躊躇怎樣去吃呢個包，一啖由頂到底咬下，有點不可思議，唯有揭起麵包，食咗部分餡料，令漢堡包厚度減至「可以一啖咬得落」嘅程度。餡料十分豐富，有生菜、蕃茄、酸瓜，當然主角漢堡扒也份量十足。漢堡扒即叫即煎，肉汁豐富，稍為擠壓肉汁就洶湧而出，肉味也不怠，加上溶化嘅芝士、洋蔥粒、茄汁及墨西哥辣椒汁，係漢堡扒嘅最佳拍檔。有一點加分嘅地方係其麵包經烘焗之後，鬆軟可口，比港式漢堡包王「時新」嘅嘉頓麵包更佳。要彈嘅就係肉汁加醬汁，太多液體，令麵包底索滿水份，吃起來十分論盡；Lavazza咖啡名氣大，入口比較淡口，與筆者嘅經驗有少少分別。
芝士漢堡包四十九蚊一個，Lavazza咖啡十八蚊一杯。價錢與食品用料、質素相比，可算超值。另外，背景音樂如能放輕一點，給客人多一點寧靜空間更好。
張貼
