糖水檔 (已結業)

原本筆者與太座想食「堂記」嘅燒鵝腸粉，不過到達之時剛巧冇開門營業，唯有到此店食番糖水補數。此店雖開宗明義叫自己做「糖水舖」，但此店俾筆者嘅印象就係菜乾豬骨粥，與維港毗岸嘅「王記」可謂互相輝映。話說回來，筆者與太座分別點了紅綠兩溝、紫米露及一碟齋腸。熱紅綠中嘅紅豆大大粒，食起上嚟夠晒份量；紫米露則水份較為多了一點，當中放了芋頭，但煲得不是很淋。齋腸則口感新鮮，粉團有少許彈牙，而且一層層嘅米漿皮層次分明，太座亦忍不住手用竹簽將腸粉翻開成一大塊，蘸上各種醬汁，特別入味。糖水每碗十蚊，齋腸六蚊一碟，經濟抵食。