呂仔記 (已結業)

於「八百碗」吃過豬油渣麵後，太座提議食一點甜品。講到响東大街食甜品，「呂仔記」可說是其中一個必然之選了。又係經公仔箱介紹過，這夜人客卻不多。於寒冬中，筆者希望食一啲較heavy嘅甜品禦寒，想叫熱紫米露，豈料紫米露($11)只有凍冇熱的。算吧，凍就凍啦。太座零食癮發作，叫了一客魚蓉燒賣($12)。從雪櫃裡攞出嚟嘅紫米露，甜品料已漿成一大舊，要特意弄散。材料是頗多的，甜度適中，不過顏色呈死灰，感覺有啲怪；魚蓉燒賣一客八粒，不是一般魚肉做的，是用了黃膳，所以味道是與別不同的，淡淡的帶有黃膳獨有的油甘香。天寒地凍，來一客燒賣「吉吉下」，是香港獨有嘅飲食文化。