櫻.日式拉麵 (已結業)

星期二，天晴。在聯和墟附近多了一間新嘅食店，以日式拉麵招徠，專攻在附近食晏嘅學生哥。是日，與幾位同事試一試。店舖門面像極居酒屋，裡面則完全是港式茶餐廳格局。食晏時間有數款午餐供應，筆者選了生薑豚肉飯，還包一杯熱飲。原本想要熱奶茶，但係竟然冇供應，但係其他常見熱飲一應俱全。好奇心驅使下，便問個究竟，答案是因為沖得唔好飲，所以索性唔提供。好，有性格！最後要了一杯熱華田。單看外表，筆者初時都有點懷疑是否能食得飽。不過，原來豬肉嘅份量不少，吃完之後是飽飽的。至於味道，以這般嘅訂價，也是無話可說。熱華田沖得幾淡，阿華田粉應下得慷慨些。其中一位同事叫了鰻魚飯，怎樣飯是少得可以。一五一十考慮是否可以添飯，經服務員安排之後，果然從廚房裡裝多一杯白飯；另一位同事又嫌咖哩汁少，一邊吃一邊咕嚕咕嚕的，服務員見狀又從廚房拿了一小碗咖哩汁出來，可謂有求必應。筆者說笑如下次幫襯，著同事記得投訴份量少。綜合以上所述，服務一欄給多一點分數作鼓勵。午市套餐位位三十蚊(熱飲)，可以再來。