必勝客 (已結業)

終於等到HSBC咭和必勝客做特價餐，於是今日就拉朋友去食。‧什果賓治&柚子冰茶：我杯冰茶淡淡的…‧海皇湯：超難飲!!!好濃味好濟…菜湯好飲好多呀~~~‧大蝦雞尾杯：一直都想食，不過嫌散叫貴^^整體上OK，有蝦有生果有菜.‧超級夏威夷火熱三重芝心批：本來我朋友叫意式風情普通批，點知黎左呢個芝心批(我地唔鐘意食芝士…)，批底好薄，批邊好厚，味道都幾好既.‧西西里雞三重奏：好正的一味，雞翼分開3截(3隻味)，有辣有甜的，最尾個截仲嚷左d料，啖啖肉好正!‧挪威三文魚卷：碟卷0黎到成pat0野，極樣衰，我地要求換過。之後0黎0個碟好正常，又多汁，不過三文魚都係散散的3片，同張menu相完全不乎!不過個卷味道一流，仲有伴碟的沙律汁勁好食呀!!‧忌廉泡芙：埋左單臨走睇返張單先知道未上，即刻叫佢上囉!‧酥炸海鮮拼盤：唔夠飽所以叫多一樣，呢個餸食左幾次架喇~ 服務生的態度很好的，可惜個個都唔醒目…特別係解釋張帳單0個陣，連佢地都唔明白個計法囉(HKSC咭單點0野食有9折)仲有…呢個餐可以唔用HSBC咭來埋單的嗎?我未出示咭佢已經拎左張單0黎畀我埋，跟本唔使CHECK你有冇指定信用咭…><