影片
更多
2007-09-24
2 瀏覽
響UA買定下午場次0既戲飛，本來走去常滿飲茶的，不過大家見到呢度個buffet(12-3pm)幾吸引而且又未食過，價錢和常滿午市差唔多，於是就試下喇^^12點9入座，餐牌上寫明只限食1.5小時，咁我地都好快手快腳點野食了~第一轉0野食等左10分鐘，跟住0個幾轉都唔使等太耐~~冷盤：各樣泰式沙律。叫左三款，都是好酸(正正)我鐘情泰式粉絲沙律，不過呢碟係暖0架，我反而鐘意!哈哈。小食：最鐘意炸蝦餅，d蝦肉超彈牙，熱辣辣証明係即炸，非常好食﹗蒜蓉包(點咖哩)﹑豬頸肉﹑泰式湯﹑薄餅(點咖哩)等，水準一流；炸魚餅& 炸雞翼，麻麻地。主菜：(有成10-15款，有飯有麵，不過我地冇點哂)黃咖哩雜菜& 串燒，勁好食；甜酸魚柳& 炸雞就一般。甜品：有隻甜品真係唔提唔得^^叫泰式綠豆蓉糯米滋，外型好似迷你糭，外面係綠豆粒加少少糖，裡面係綠豆蓉，熱辣辣一啖食，好好味；大菜糕用椰子水黎整，裡面有d椰子肉，同外間食到得0個d得糖水甜味0既糕底好唔同；d糖水係暖0既，甜度0岩0岩好，我非常鐘意。食到飽一飽，0岩0岩好1.5小時(我地冇睇住時間食0架)，不過入座率都唔夠4成=.=如果再食應該唔會畀人趕0既...我估
12點9入座，餐牌上寫明只限食1.5小時，咁我地都好快手快腳點野食了~
第一轉0野食等左10分鐘，跟住0個幾轉都唔使等太耐~~
冷盤：各樣泰式沙律。叫左三款，都是好酸(正正)我鐘情泰式粉絲沙律，不過呢碟係暖0架，我反而鐘意!哈哈
。
小食：最鐘意炸蝦餅，d蝦肉超彈牙，熱辣辣証明係即炸，非常好食﹗蒜蓉包(點咖哩)﹑豬頸肉﹑泰式湯﹑薄餅(點咖哩)等，水準一流；炸魚餅& 炸雞翼，麻麻地。
主菜：(有成10-15款，有飯有麵，不過我地冇點哂)黃咖哩雜菜& 串燒，勁好食；甜酸魚柳& 炸雞就一般。
甜品：有隻甜品真係唔提唔得^^叫泰式綠豆蓉糯米滋，外型好似迷你糭，外面係綠豆粒加少少糖，裡面係綠豆蓉，熱辣辣一啖食，好好味；大菜糕用椰子水黎整，裡面有d椰子肉，同外間食到得0個d得糖水甜味0既糕底好唔同；d糖水係暖0既，甜度0岩0岩好，我非常鐘意。
食到飽一飽，0岩0岩好1.5小時(我地冇睇住時間食0架)，不過入座率都唔夠4成=.=如果再食應該唔會畀人趕0既...我估^^
侍應們除左個個響度遊魂之外，叫乜拎乜都冇黑面。不過其中一個女的和一班4男客人玩到不亦樂乎咁，同佢地講0野又大聲，語氣又粗(我講緊個女侍應)，好嘈...我唔係太鐘意囉.
張貼