許留山 (已結業)

之前去許留山買2磅裝鮮芒果布甸，要星期五、六、日先有現貨賣，平日想買都買唔到，琴日放工經過許留山，見到d宣傳牌寫住「天天供應」，我即刻打俾阿媽問佢今晚阿爸同阿妹番唔番屋企食飯，然後即刻買左個布甸番去做飯後甜品。試過咁多間嘅芒果布甸，都係覺得許留山嘅最好味！布甸質地夠軟滑，面頭鋪左好多片新鮮芒果肉(仲係即買即切嘅)，食落好新鮮，芒果又夠甜，布甸裡面都有好多芒果肉，食落啖啖都係芒果，唔似其他甜品店食嗰d芒果布甸咁少芒果肉，最緊要加埋花奶食仲滑、仲正！個布甸成2磅咁重，我地4個人食都食唔晒，推介大家下次開Party買來食，1個$52，2個都只係$88，一大班friend食超抵食！