金丼港日台料理 (已結業)

班中學同學又聚會，竟然約左係星期6人日，去到見到好多人等緊，我地等左20分鐘左右啦。坐底侍應水都未送到黎，我地已經係度劃緊野食紙，因為真係好肚餓。碟刺身黎先，三文魚、玉子、長腳蟹棒、甜蝦、希靈魚、墨魚片和鮑片每款式各5件。三文魚唔知係我地好彩定係堅會俾人客！？竟然食兩次都係三文魚腩lo！雖然食落會好肥，不過真係好味！仲有個長腳蟹棒真係真材實料個隻蟹棒黎，唔知係咪冰鮮ge關係，都係甜甜地，蟹肉味都算幾濃。 呢度ge牛油焗金菇我都覺得ok好味，送到和黎個陣見到用石紙包住先，好特別！𠝹開熱辣辣，1陣牛油味，金菇食落仲好鬼滑tim！我好鐘意食，不過我朋友就話係呢度食呢d唔抵，但我又覺得食野食自己歡喜ge最開心lo！和風薄餅好食！！鬆化ge皮有陣牛油味，面頭芝士同洋蔥好似天生咁夾，有洋蔥隻辛勁味得黎又有微濃芝士味，正！不過都係好細塊，我地之後仲要多左2碟.呢個咩青酒煮硯味道1般般la，硯肉唔多，酒味就淡左d。