Cruise空中餐廳及酒吧

營業中

休息中

今年情人節嚟咗間新嘅餐廳，由於係塊玻璃嘅關係，海景睇得唔係好清楚，亦都可能係燈光影響。為左擺多幾張枱，所以用餐個空間感唔係咁舒適，仲有侍應唔太專業。例如忘記左邊位客人用牛扒刀；用餐後又收漏咗一隻碟；上甜品時要等好耐先有分派餐具…音樂又過大，環境變得嘈。較有心思係每一張枱都預備咗一支玫瑰花同埋心型朱古力。麵包籃中圓碌碌個個的質地最軟熟。精選刺身拼盤壽司都算新鮮，起碼冇出水，帶子同鰤魚比較鮮甜。新鮮法國生蠔生蠔一般新鮮啦！海水味唔夠。威尼斯海鮮湯海鮮湯有好多料，蝦彈牙、魚比較實、蜆冇腥味，湯比較鹹。青檸雪葩配紅酒士多啤梨醬雪葩的乾冰唔夠勁，未上檯已經吹完咗，而雪葩都唔夠凍，溶哂，士多啤梨醬比較酸。香烤牛柳及煎鵝肝配松露薯蓉心形牛柳冇問到要幾多成熟，不過個火喉都控制得幾好，鵝肝入口即溶。燒春雞配蘆筍及松露薯蓉春雞，反而雞髀位的肉冇咁嫩滑， 醬汁唔會太鹹， 黑松露薯蓉都幾滑。心太軟配雪糕第一次食到的心太軟係沒有流心的， 不過個朱古力唔會太甜，幾香。飲品正常。