媽咪提議去吃火鍋。
依間火鍋店口碑一向不錯
而且價錢非常之抵食，$268就食到和牛級數
好彩我哋一早訂咗枱，去到就可以直接入坐唔使等
餐廳地方都幾寬闊，基本上都係卡位
除咗用QR code點餐之外，出邊仲有一啲係自助區嘅蔬菜同丸類。
另外比較新奇啲就係有甜品同埋熱食區。
一入坐我地揀咗湯底先，我哋叫咗個滋補藥膳鍋，雖然味道唔算好濃郁。但係都有不少嘅藥材在鍋中。
🔹 牛小排：比較薄身，過一過水不到一分鐘就可以，油脂分佈均勻，肉質鮮嫰，入口牛香濃烈。
🔹生猛海蝦🦐食落鮮味爽口彈牙，而且肉質一啲都唔會梅
🔹真係花膠：大大塊一啲都唔欺場，夠晒厚身而且滑溜。
🔹羊肉🐏脂肪平均，灼兩灼就能夠食啦，肉味都幾軟腍。
🔹肩胛肉眼🐃望落都幾新鮮，食落唔會太肥
🔹墨魚丸、花枝丸：真係手打，而且入邊真係有墨魚粒🦑食落都幾爽口同埋彈牙。
亦有不少台灣嘅食品，例如：鴨血、甜不辣、鹽酥雞、小香腸⋯⋯
2個小時好足夠，慢慢食完重大把時間吹下水，依個價錢都叫便性價比吾錯。
