牛一 (始創中心) (已搬遷) 新店位置

前幾日同女朋友食晚飯，因為好耐冇打邊爐所以就想搵間任食打邊爐放題去試吓，點知行到去始創中心發現地庫有間打邊爐放題於是去試下，其實當時門口都有六七個人喺度等緊，不過我哋2個人去到門口攞飛就可以即刻入去，揀咗個$148嘅豚肉套餐同中華麻辣湯底食黎，裡面裝修環境唔錯2人枱比我想像寬躺，坐左一陣3盒豚肉同湯底就到，個湯底夠晒香同麻超正，都幾夾d豚肉，又滑又辣，跟住放啲生根同豆腐卜粟米放落去吸晒啲辣湯味好過癮好好食，不過食物種類唔係太多大約30至45種到啦，以蔬菜菇菌類為主，仲有肉丸同通粉等選擇，不過我哋兩個都唔係咁大食，所以個半鐘頭都可以食得切同好夠包。但係最果引係佢嗰度有兩部雪糕機打完邊路食幾杯雪糕都唔錯架又可以再加d朱古力。