5越越南餐廳 (已結業)

今日成個8咪半都好多人食飯，見到呢間越南野無咩人等，咁我地都肚餓，就等呢間，我地叫左個二人餐，d 野食好快就上哂（15分鐘上完），太快有樣野唔好就係d野好快凍哂。先講下d 南乳吊燒雞，個南乳醬完全無味，隻雞個皮都脆嘅，就咁食仲好食。大蝦膏鮮蝦炒飯個味道唔錯，但我哋懷疑漏咗隻大蝦，點解咁講，因為我地隔離枱個d 都係叫餐，但個個都有隻大蝦係面，但係我地個碟就無，咁可能佢地個餐個飯係有，我地無啦 。 鹹魚炒芥蘭，個菜都甜既，不過一d 鹹魚味都無， 成碟菜得個一舊鹹魚, 唯有當食得健康d . 雞牛豬串燒個沙嗲醬麻麻地，個人認為可以多啲花生醬，咁嗰醬會再香d . 最後要投訴既係個甜品，唔係個甜品好唔好食，係我地叫左4-5次話上甜品，個個職員好似發緊夢咁，上左20分鐘都未上到，我以為係d 咩甜品要焗好耐，原來只係黑糯米飯，唔知係咪d 飯未煲熟總括而言，呢間餐廳可以一試，但唔會再有下一次