盛八日式燒肉放題店 (已結業)

燒肉真係愈食愈野味，就好像上引一樣，好想繼續食，之前食左盛八打邊爐都真係幾正，咁岩朋友話我聽有網燒我就即刻黎品嚐品嚐我地點左個２人餐，先黎左個頭盤係巴馬臣火腿蟹子沙津，加入椰果令沙津食落甜甜地，我最喜歡就係食火腿，唔錯。呢個金目鯛雙色蟹子蝦沙津花之戀唔錯，兩款蟹子都好好味，但另一款山葵龍蝦米紙卷我就覺得麻麻，其實本身係ｏｋ既，但加左ｄ甜既汁我就唔太喜歡了。哇～真係好豐盛喎～裡面大約有澳洲貴族和牛里肌肉、芝士黑七味砂肝、韓式泡菜醬雞腿肉、車海老（大蝦）、帆立貝、魷魚、香草牛油大磨姑等等。香草牛油大磨姑放在一旁慢慢加熱，有吸收了牛油既焦香，大磨姑軟軟綿綿非常入味，不會太油。 和牛里肌肉比起平常的牛更加有咬口，更彈力，雞肉配起泡菜醬原來都幾好味，微微辣幾野味。帆立貝大大粒好厚肉，雖然加熱後會縮小一點，但加上牛酒好香，需要連埋殼燒～ 車海老（大蝦）真係好多膏，裶常鮮味，size大過手掌，正！燒到全煮蝦肉會分離，整條挑起食！咖哩牛舌粉飯粉得粒粒金黃，而且咖哩微微少辣，很香口，可以吃過不停！不過最後才上，如果早點上可以配肉一起吃更加豐富！最後重有甜點奶凍的，不過不失，所以沒有特地拍下來。