因為同朋友夜晚想搵個地方chill下，又想 satisfy 我地對甜品既小任性，最後就黎左旺角既美滋鍋。佢地主打既全新甜品火鍋放題由$198起，好抵玩，係旺角火紅同性價比之選。重點係每日營業到凌晨兩點，9:30後入座仲要無限時，岩晒想hea到好夜既我地。每枱仲有部平板可以落單，無需掃QR code，好方便👏。
。
套餐C 豪華火鍋放題 $298/位
我地今次叫左佢地既套餐C 豪華火鍋放題，$298/位，真係幾抵：主打多款頂級牛肉，包括美國四方肥牛、美國精選肥牛、美國prime牛下肩胛，整個放題加埋超過120款火鍋配料同飲品任君選擇，無論你係肉控、海鮮黨定甜品狂，都可以一次過滿足🍲✨
。
湯底：香辣鍋拼長生松茸野菌鍋
我地叫左鴛鴦鍋（只要+$50），佢地總共有8款以養生為主既火鍋湯底，每日新鮮熬煮。香辣鍋聞落有一股撲鼻既辣椒香，湯底香而不死辣，好濃郁，入口有層層藥材既香氣，愈煮愈入味，特別夾牛肉；長生松茸野菌鍋就係另一種清甜路線，松茸同野菌既鮮味完全融入湯底，湯頭帶自然既菌菇甘甜，兩邊配埋食落互相補足，超正🍄🌶️。
。
肉類介紹
- 美國prime牛下肩胛：切得有厚度，油花分佈均勻，煮落仍然保持肉汁，口感結實但吾嚡口，牛味濃，絕對值得推介
- 澳洲M+和牛前腿心：橫切面有漂亮既年輪狀橫紋，入口鮮嫩帶彈性，牛肉風味濃郁但吾膩，最適合想慢慢品味既人
- 竹簽蝦：隻隻都大大隻，新鮮度有保證，入鍋輕涮幾下即熟，肉質爽彈
- 蟹籽墨魚滑：口感彈牙，入面有粒粒蟹籽，咬落會有小爆珠既feel，增加層次感
仲有其他值得一試既選項：牛舌、紐西蘭羊肉卷、田野鄉村嫩豬花肉、美國安格斯三角牛、美國安格斯封門柳，廣島蠔、青口、沙白、花膠、鯇魚骨腩等，選擇超多，肉類控吾會失望🥩🦐.
.
火鍋配料區
配料區至少有40款，真係樣樣齊：
- 香菇貢丸：帶住香菇既鮮香，同貢丸既彈性完美配搭，啖啖香
- 芝士丸：外面彈實，中間有流心芝士，一咬出黎既芝士溶好滿足
- 韭菜豬餛飩：餡料香濃，韭菜味道突出，皮薄餡多
另外仲有香炸午餐肉、魚皮、響鈴、牛筋丸、炸芋頭、豆卜、龍蝦丸、陳皮魚蛋、海膽丸、黑椒豬肉丸、金沙魚腐、腐皮魚腐、鴨血、豬皮、鮮淮山、油麥菜、雞髀菇、冬菇、粟米等，想點配都得，夠晒選擇🥢.
.
小食區
前菜小食有好多地道港式街頭風味：碗仔翅滑滑地、帶有濃郁湯底香；手撕雞賣相樸實但肉質嫩滑，雞味突出又吾乾。其他小食仲有喱魚蛋、燒賣、炸饅頭、泰式木瓜沙律、車厘茄粟米沙律、滕椒魚皮、涼拌豬耳、涼拌粉皮、涼拌海蜆🍤
.
甜品區
甜品係今次最大亮點，超過20款，真係要預留肚位逐樣叫：
- 懷舊砵仔糕：口感軟糯，仲有好多紅豆，甜而不膩，好有懷舊感
- 自動pancake機：可以自己即整，煎出既pancake軟熟帶微脆邊，好有互動樂趣。
- 提拉米蘇：咖啡香好濃郁，奶味順滑，甜度岩岩好
- 開心果糯米糍：外皮煙韌，內裏爆晒開心果餡，好香好有層次
- 迷你鮮果撻：一口一個，水果新鮮又清新，我仲encore幾次😋
- 即製梳乎厘：店員即場整迷你梳乎厘，完成後會響鐘，記得即刻排隊，之後係配料區可以加煉奶、花生醬、海鹽奶蓋、忌廉、朱古力醬、士多啤梨醬、花生碎等自家調配，DIY出自己最鍾意既味道
- 即製格仔餅同雞蛋仔：熱騰騰出爐，外脆內軟，好香雞蛋味
- 燕窩芒果楊枝甘露奶凍：佢地自家製燕窩系列每日新鮮，奶凍滑滑，芒果甜而清新，燕窩口感加分
仲有蜜桃奶凍、香茅、開心果蛋糕、木糠布甸、檸檬撻、椰汁紫薯凍、士多啤梨奶凍、燕窩燉蛋、玫瑰桂花糕、燕窩紅肉火龍果乳酪、木桶豆腐花、紅莓雪花酥、綠茶蛋捲等，甜品控真係要慢慢試，吾好急住飽肚
.
飲品區
飲品選擇都幾有心思，除左一般啤酒汽水，仲有不少自家製系列：
- 自家製竹蔗茅根馬蹄水：清潤解渴，帶淡淡竹蔗甜味同馬蹄爽口，食完辣既香辣鍋即刻降火
- 芒果沙冰：芒果味濃郁又冰凍，夏天必飲
其他飲品都毫不訊息，有自家製洛神花茶、自家製烏龍茶，好卡頓白桃味生啤、檸檬薏米水，廣島啤酒、Kronenbourg 1664 blance，Sapporo draught生啤等選擇。總之無論想清爽定想小酌，都有配搭🥂🍹。
