金記冰室 (八號花園) (已結業)

香港知名嘅金記冰室港九新界都有分店，上次去咗 薄扶林嗰邊食今次就嚟到大埔八號花園呢度食啦。去到大埔嘅時候，發現咗呢度超長嘅人龍。入到去餐廳雖然只係普通茶記，但係裝修都一啲唔馬虎，地下唔會有一般黐立立嘅問題㗎。而且呢一間茶記有個特色就係喺你頭頂會有個火車路軌，仲有架火車經過㗎餐牌上面實在有太多嘅選擇，小炒，通粉，炒蛋，多士，焗飯，泡飯，咖哩，扒類全部都一應俱全 糖醋排骨甜酸調較得适中亦都冇過多渣嘅問題， 以佢嘅醬汁比一般嘅餐廳較得冇咁甜，比較開胃。 蟹柳炒公仔麵冰室點可以唔食番個公仔麵㗎，呢度公仔麵唔會話太油炒得啱啱好，麵條嘅軟硬適中 魚香茄子飯個人最鍾意食魚香茄子飯，因為鍾意嗰種魚香嘅味道。想知道一間餐廳嘅水準，就要食下佢嘅魚香茄子飯呀！！！呢個魚香茄子汁都多，而且茄子真係滿魚香味㗎。 茄子係煮到啱啱好，唔會話太林又唔會話好硬雪糕紅豆冰一般市面上飲嘅雪糕紅豆冰都係會甜嘅， 但呢度竟然唔會太甜，而且紅豆仲保持著完整嘅一粒粒，一咬即化，但係唔會軟爛嘅口感，真係好有特色呀朋友話呢杯嘢飲係一定要試嘅，話 阿華田溝奶茶，我就未試過呢一種配搭喇，但朋友話呢個係超好飲