錦榮餐廳 (已搬遷) 新店位置

剛去完醉鮮靚湯特色粉麵食完午餐又即刻行過隔離食錦榮餐廳食下午茶， 真係即刻個種。兩間都係第一次去。 錦榮是間舊式茶餐廳，佢都幾好生意，我哋三點幾去到都差不多坐滿人，都坐得好迫。   一坐低就即刻叫咗兩個主打下午茶， 芝士肉醬通心粉和豬扒包。好多客都係叫 芝士肉醬通心粉，聽講只有下午茶先有得食，但作為下午茶又真喺有D𢸍撼 ，連隻鑊一齊上，咁大份點食? 好多肉醬，芝士可以拉絲， 每一啖都好有滿足感。原本只想叫一個下午茶， 但怕唔好意思就叫埋個豬扒包， 係間餐廳到周圍都寫滿推介豬扒包嘅廣告。 個包係軟熟個種, 塊豬扒有汁又唔靭，都可以。 我同老公食晒所有嘢， 晚餐無食淨飲水都飽。