影片
更多
2018-04-06
371 瀏覽
$178龍蝦benedict有雪味，中伏，好後悔。未試過食lunch食到咁谷氣越諗越唔抵....再三考慮後決定要劣評。想食好耐，滿心期待，以為咁多人排既NINETYs水準一定有返咁上下，唔會差得去邊….點之由座位安排到食物質素都令人大失所望!!! Dislike!!打過去NINETYs表示1pm無得book位，唔緊要；咁12:45pm男朋友就去左門口排隊了，一路排一路落雨，擔住遮係門口等啦唔緊要，咁難得佢放假黎搵我試新野，我地因為想試都決定照等，我地排第二，前面仲有一個女仔三分鐘內，侍應重覆問左我地同前面個女仔兩次，問完又問，兩次都係same question: “你地貴姓?幾位架?”我地r哂頭，心諗真係好想問番依位紋身女侍應..”下?!又問?其實你有無mark低？”之後見到有兩枱人走左，出左餐廳，再等多5分鐘男朋友就問下幾時入得?同一位紋身女侍應又話:”呢張係留俾我地同事自己食飯, 個張又留大枱(兩張兩人枱), 話我地個張枱(大枱隔離個張..)埋緊單就走(1:15講一次, 1:25講第二次)"結果又呆等多三個字⋯⋯⋯我地心諗:”下…果頭又話無得book位，依頭又話留大枱…同埋Lunc
未試過食lunch食到咁谷氣
越諗越唔抵....
再三考慮後決定要劣評。想食好耐，滿心期待，以為咁多人排既NINETYs水準一定有返咁上下，唔會差得去邊….點之由座位安排到食物質素都令人大失所望!!! Dislike!!
打過去NINETYs表示1pm無得book位，唔緊要；咁12:45pm男朋友就去左門口排隊了，一路排一路落雨，擔住遮係門口等啦唔緊要，咁難得佢放假黎搵我試新野，我地因為想試都決定照等，
我地排第二，前面仲有一個女仔
三分鐘內，侍應重覆問左我地同前面個女仔兩次，問完又問，兩次都係same question: “你地貴姓?幾位架?”
我地r哂頭，心諗真係好想問番依位紋身女侍應..”下?!又問?其實你有無mark低？”
之後見到有兩枱人走左，出左餐廳，再等多5分鐘
男朋友就問下幾時入得?
同一位紋身女侍應又話:”呢張係留俾我地同事自己食飯, 個張又留大枱(兩張兩人枱), 話我地個張枱(大枱隔離個張..)埋緊單就走(1:15講一次, 1:25講第二次)"結果又呆等多三個字⋯⋯⋯
我地心諗:”下…果頭又話無得book位，依頭又話留大枱…同埋Lunch peak hour唔夠15張枱既店..仲有客排緊，要留枱比同事食飯?!
仲要事實係，由我地坐低左..到用膳..到埋單走.全程見證住，果張聲稱留比同事食飯既枱都係無同事坐低過..甚至無人用過..(又r哂頭)
明明有吉枱都唔安排比客人坐
食物方面，平均一個餐$148-178，加野飲$40-60+不等，都唔緊要，來得試就預咗食豪啲、食好嘢。
點之……個lobster benedict果僅餘既半邊龍蝦..仲要有雪味呀!
..用雪藏貨唔難理解(一分錢一分貨，都估到收你$178唔通比新鮮生猛龍蝦你咩，咁宜家你比半邊雪藏龍蝦我，都唔該整走d雪味先呀…唔該!)
唉，食到擰哂頭，真係好差好失望呀
宜家終於明，咁大o陣雪味難怪要落d濃味既咸蛋黃黎遮..欲蓋彌彰
但係咁樣真係好難食呀..
用咸蛋黃扮龍蝦蝦膏 唔知以為食緊中菜黃金蝦 好油 (咁黃金蝦仲好食好多tim!!)
講真..我係慕名以來架..睇mtr出果本metropop，前排做灣仔既專題介紹，
點之$178食落咁唔掂
而男友點左Piggy Piggy，即係豬肉burger..個豬肉係ok嘅，算係淋
但個$148蚊個burger 少少配菜伴碟都無真係有d 過份.. (真係半粒車厘茄都無!)
我地一肚氣，嬲到野飲都飲唔落，食完快d走算啦
加埋一，埋單total係$359..
整體味道唔好，服務又唔好，試一次就夠啦
如果再唔改善..唔知排隊熱潮過後，仲可以做幾耐呢..
睇番之前大家係openrice 3月23日up上黎既menu,
同一個lobster benedict由月3月仲係賣緊$148，短短半個月，漲價到$178，加左$30蚊，即加價兩成..
但食物+服務質素竟然如此惡劣~
唉.. 做飲食既要有心，要有良心丫~
九十後，加油呀!!!!
番到公司 即刻同同事講啦 比$359滿心期待點之食到咁谷氣
班Senior同事都異口同聲話佢地上次食lobster benedict都係有雪味，原來唔係我先係咁，咁店主真係要正視食物質素既問題啦
班同事仲話，比$178得個main dish，唔包野飲，佢地嗌埋野飲一個人要$230-$260到。
講真，$二百五蚊係灣仔大把choice，比佢用心有heart既café/西餐多的是..
加10% 就係呢d service charge
果半邊龍蝦仔同質素普通既benedict，仲要有雪味咁唔好食…
由服務到食物質素都中哂伏，好後悔。
我個人認為.....
& 我想，除了今次之後，以後也不光顧這間店。個人意見供大家參考。
張貼