巷仔見麵館 (軒尼詩大廈) (已結業)

平時行開呢個商場，都唔知道入面有野食。今日行過，見到呢度有幾間大集團集中一齊，就試吓呢間’巷仔見麵館’ 。一入到去，原來所有嘢都幾電子化，叫外賣都可以有個screen自己落單，而家外賣仲有九折！入到去同職員講，佢哋就會俾個qr code，所有嘢都可以喺電話落單，方便快捷，又唔驚職員會睇唔到。餐牌種類唔算多到話要揀好耐，而且有幾樣喺出邊比較難食到嘅，都算新嘗試，所以就主力嗌咗嗰幾樣試吓啦：火山糖醋肉絲麵: 一上菜嘅時候，見到份量都幾多，而且好香糖醋味。平時呢種麵通常都係配銀芽肉絲，配上糖醋汁幾惹味，酸酸甜甜而且汁嘅份量都好多，唔會食食吓食到得返啲脆麵，絕對夠撈哂成份。原個菠蘿椰香牛腩: 用乾冰墊底，一拎出嚟嘅時候都比隔籬枱望住晒，係幾有氣勢嘅！配菜有薯仔，菠蘿，青椒，醬汁係港式咖喱汁，上邊再加啲辣油。自己覺得菠蘿配呢種咖喱汁唔係太夾，不過賣相搭夠。巷仔無骨海南雞飯: 個人覺得呢一個性價比最高，有湯又有飯同埋成個擺盤好豐富。飯份量慷慨，完全夠飽！仲有嗌咗幾個小食，巷仔mix (魚蛋，燒賣，小雲吞)同子薑黃金皮蛋。飲品跟主食叫嘅，有跟餐優惠會平啲，有冰鎮奶茶同埋粒粒蜜桃果茶。最後私心推介，估