揀左椰子雞湯，好清甜，入面有好多椰子同埋大大件既雞；另一個叫左沙爹湯，非常之香濃，不錯！
觀塘係新分店，比起尖沙咀店環境寬敞好多，以卡位為主，所以坐落好舒適唔會好迫！
自助區都好大，火鍋配料多元化，仲有好多小食、飲品、甜品，選擇夠晒多！
仲有好多特別既野，例如麻辣小龍蝦、自家製嘅珍珠奶茶、台式手工芋圓，全部都唔馬虎！出品唔錯👍🏻
QRcode落單，特別推薦SRF美國特級肩胛肉眼片，花紋均勻，肉質細嫩，大讚💯
另外仲有海鮮，大蝦、沙白都係推介之選！夠新鮮，蝦夠鮮甜彈牙、沙白無沙夠厚肉👍🏻
其他火鍋配料可以出面自取，有好多台式丸類，仲有珍寶大蟹棒，蔬菜亦有較特別既水蓮同埋冰菜！
即炸魚皮，響鈴都唔少得👍🏻
最後當然唔少得甜品同雪糕雪條🙌🏻大家一定要試下佢既台式手工芋圓🤤煙煙韌韌👍🏻
總括係幾唔錯，而且120分鐘好夠，唔洗咁急😙🙌🏻
