影片
更多
2023-08-17
35 瀏覽
之前見雜誌介紹，可以唔洗手動拎住燒既串燒放題，好似幾得意咁，趁暑假就帶個囡去試下啦🥰地點喺旺角都算就腳，樓上鋪環境都幾寛敞，全部都係卡位，有啲玩味設計。一張枱一個爐喺正中，都幾大幾深，同時間可燒十幾串。入座前店員先講解一下用法，啲串燒一定要放入齒輪內，就會自動旋轉唔洗拎住，岩晒懶人！點菜用QR code, 最好一次過揀一堆食物先落單。食物種類都幾多，豬、牛、雞、海鮮、蔬菜、甜品都有，每樣試1-2串都食左幾十串，捧住個肚走😆🐮牛：M6和牛、牛西冷、牛肋腩、牛舌🐷豬：豬肩胛、豬五花、豬肉眼、🐤雞：雞翼、雞軟骨、雞皮、雞卷、雞腎🐙海鮮：黑魚仔、蜆肉、多春魚🥓腸類：台灣腸、廚師腸、芝士腸、魚肉年糕🍡丸類：墨魚丸、貢丸、魚蛋、魚片頭🍠蔬果菇類：秋葵、脆肉瓜、菠蘿、雞脾菇、豆卜、日本甜薯🥧甜品：棉花糖、雞蛋仔肉類今次我覺得豬好過牛，尤其燒完後啲油脂迫晒出來特別惹味，仲有雞軟骨和雞皮真要試，燒到脆脆地真係超好味。丸類我幾鐘意魚片頭和魚肉年糕，前者燒到外脆肉軟味道清清地唔錯，後者燒完啲年糕溶溶地好煙韌。平時唔太食菜既小朋友今次力推燒完既秋葵，佢話估唔到咁好味，啲黏液無左，爽爽地真係同平時食好唔同喎。而
地點喺旺角都算就腳，樓上鋪環境都幾寛敞，全部都係卡位，有啲玩味設計。
一張枱一個爐喺正中，都幾大幾深，同時間可燒十幾串。入座前店員先講解一下用法，啲串燒一定要放入齒輪內，就會自動旋轉唔洗拎住，岩晒懶人！點菜用QR code, 最好一次過揀一堆食物先落單。
食物種類都幾多，豬、牛、雞、海鮮、蔬菜、甜品都有，每樣試1-2串都食左幾十串，捧住個肚走😆
🐮牛：M6和牛、牛西冷、牛肋腩、牛舌
🐷豬：豬肩胛、豬五花、豬肉眼、
🐤雞：雞翼、雞軟骨、雞皮、雞卷、雞腎
🐙海鮮：黑魚仔、蜆肉、多春魚
🥓腸類：台灣腸、廚師腸、芝士腸、魚肉年糕
🍡丸類：墨魚丸、貢丸、魚蛋、魚片頭
🍠蔬果菇類：秋葵、脆肉瓜、菠蘿、雞脾菇、豆卜、日本甜薯
🥧甜品：棉花糖、雞蛋仔
肉類今次我覺得豬好過牛，尤其燒完後啲油脂迫晒出來特別惹味，仲有雞軟骨和雞皮真要試，燒到脆脆地真係超好味。
丸類我幾鐘意魚片頭和魚肉年糕，前者燒到外脆肉軟味道清清地唔錯，後者燒完啲年糕溶溶地好煙韌。
平時唔太食菜既小朋友今次力推燒完既秋葵，佢話估唔到咁好味，啲黏液無左，爽爽地真係同平時食好唔同喎。而我最愛梗係解膩既燒菠蘿🍍。
仲有燒棉花糖，帶細路黎走唔甩encore無限次，不過燒嗰陣要金晴火眼望實，一來怕燶，二來怕溶左跌落爐內無得食😆。
飲品係自助既，仲有一啲醬料可以自由添加，有柚子醬、燒汁、辣椒粉、孜然粉、鹽、黑椒等。
120分鐘收費都係二百幾一位，夠晒時間慢慢燒慢慢玩，都算抵食。唯一要注意係燒肉類都要較長時間先熟，有時太重都會轉唔到，要時不時動手轉下。總括黎講都算幾得意既體驗。
張貼
