影片
更多
2014-09-10
2699 瀏覽
中秋正日以為西餐應該冇咁多人, 5點走去排Jamie’s Kitchen, 已經勁多人! 排左陣職員仲出黎叫大家唔洗再排, 因為已經唔會食到. 唯有轉去另一間想試的餐廳 – Herbivores. 6點幾黎到冇乜人, 話要8點前交檯, 冇問題. Set dinner $280 3 courses + 野飲. 兩個人叫左個set dinner + 紅菜頭凍湯 + 黑松露磨菇意大利飯.紅菜頭凍湯: 本身唔太鍾意飲凍湯, 但呢個幾好. 比想像中少cream, 似就咁打爛左個紅菜頭飛汁整.黑松露磨菇意大利飯: 好味. 黑松露味好勁, 磨菇十分多, 意大利飯亦煮得剛好.栗子茸磨菇: 幾好味, 栗子茸幾香. 但甩出黎.泰式沙律: 好大碟. 料多. 但醬亦實在太多. 醬蓋過晒碟沙律的味.柚皮扒: 好大. 兩塊. 唔掂. 柚皮好苦, 乾身. 雖然醬汁的味調較得不錯, 但有塊真係太苦. 大菇亦燒得好乾, 有d 位好硬, 食唔到.茶: 大壺. 勝在濃.講完野食. 仲有以下想講:1) 冇水供應. 個人本身已經對呢件事冇乜好感, 仲要係響間食齋的地方有呢件事實在令我覺得更加討厭. 雖然佢冇標榜食齋係環保云云,
紅菜頭凍湯: 本身唔太鍾意飲凍湯, 但呢個幾好. 比想像中少cream, 似就咁打爛左個紅菜頭飛汁整.
黑松露磨菇意大利飯: 好味. 黑松露味好勁, 磨菇十分多, 意大利飯亦煮得剛好.
栗子茸磨菇: 幾好味, 栗子茸幾香. 但甩出黎.
泰式沙律: 好大碟. 料多. 但醬亦實在太多. 醬蓋過晒碟沙律的味.
柚皮扒: 好大. 兩塊. 唔掂. 柚皮好苦, 乾身. 雖然醬汁的味調較得不錯, 但有塊真係太苦. 大菇亦燒得好乾, 有d 位好硬, 食唔到.
茶: 大壺. 勝在濃.
講完野食. 仲有以下想講:
1) 冇水供應. 個人本身已經對呢件事冇乜好感, 仲要係響間食齋的地方有呢件事實在令我覺得更加討厭. 雖然佢冇標榜食齋係環保云云, 但食齋本身係對地球好, 點知坐低要我卑錢去買支由挪威運過黎的水, 仲要個玻璃樽仲重過d水本身. 真係多謝晒.
2) 飲緊紅菜頭凍湯時黎黑松露磨菇意大利飯. 我個set dinner就一樣野都未到. 茶餐廳冇問題. 收呢個價?
3) D staff唔係唔殷勤, 唔係唔好禮貌, 但好明顯d staff...唔識合做高級餐廳, 適合做嘈的café或茶餐廳. 成日圍埋一堆傾計都算, 中途仲殺出個鄉音阿嬸響水吧大聲講大聲笑. 但響呢間黑麻麻的餐廳個個客都細聲講野, 冇啦啦有個阿嬸大聲表演十分鐘. 我除左笑都唔知講乜好.
總結: 雖然你的黑松露磨菇意大利飯好味, 但d服務真係完全唔係呢個價.
張貼