多年前，我細佬讀聖士提反堂中學開始，我地三姐弟都好鍾意食呢間店的炸燒賣！(我細佬而家都讀完大學，投身工作了!!) 每次老闆都會問要淮鹽定咖喱汁，每次我哋都會揀咖喱汁！因為咖喱汁係獨家秘製，而且炸燒賣炸完大大粒脆卜卜！煎釀三寶有好多選擇，例如：魚蛋、茄子、薯仔、番薯、炸雲吞皮等等！自己揀完自己落醬汁。
老闆要退休了😢雖然以後都冇得食炸燒賣咖喱汁，但近期睇到老闆做到彎曬腰，真心覺得老闆應該要好好休息，因為平時開店開到好夜！聽聞凌晨一二點依然開舖😢呢篇食評係感謝老闆咁多年為西環友提供又好味又便宜嘅小食！如果從出江湖，記得要通知我哋😂
1
