影片
更多
2006-07-07
9 瀏覽
一直聽講sushi hiro好食, 終於有機會一試, 果然冇令人失望.坐sushi bar, 真係一個非常好的提議, 除左可以睇到師父o既功夫之外, 最緊要可以睇下邊d魚新鮮, 同埋可以手指指揀一d從未試過o既魚, 仲可以問下師父問題學下野呀.我好喜歡佢同前菜一齊出o既餐前酒, 甜甜酸酸, 令人胃口大開. 魚生新鮮不再話下, 中拖羅肥美, 池魚鮮甜結實, 海胆好甜, 最令我印象深刻係佢o既三文魚子壽司, 成舊放入口, 結實o既魚o係口裡面不停"爆炸", 真係好好味....忍唔住再叫多件, 先知佢落料一點都唔手軟, 魚子同飯o既比例係2:1, 雖然係$50一件, 但物有所值, 仲有驚喜.另一個驚喜係鉄板燒牛肉, 佢可以自己燒或叫廚師燒. 為安全計, 我地就要廚師整埋. 上碟個款就好似金菇牛肉巻咁, d牛肉切得好薄, 外層少脆, 裡面半生熟而勁多肉汁, 加上爆香o既蒜片同少少酸汁.....而家諗番都想食呀, 一碟十件$180 好抵食, 兩個人食稍嫌多左少少, 3至4人食就啱啱好總括黎講, 係味覺同精神都非常滿足o既一餐, 想食好野o既時候, 一定會再黎
坐sushi bar, 真係一個非常好的提議, 除左可以睇到師父o既功夫之外, 最緊要可以睇下邊d魚新鮮, 同埋可以手指指揀一d從未試過o既魚, 仲可以問下師父問題學下野呀.
我好喜歡佢同前菜一齊出o既餐前酒, 甜甜酸酸, 令人胃口大開. 魚生新鮮不再話下, 中拖羅肥美, 池魚鮮甜結實, 海胆好甜, 最令我印象深刻係佢o既三文魚子壽司, 成舊放入口, 結實o既魚o係口裡面不停"爆炸", 真係好好味....忍唔住再叫多件, 先知佢落料一點都唔手軟, 魚子同飯o既比例係2:1, 雖然係$50一件, 但物有所值, 仲有驚喜.
另一個驚喜係鉄板燒牛肉, 佢可以自己燒或叫廚師燒. 為安全計, 我地就要廚師整埋. 上碟個款就好似金菇牛肉巻咁, d牛肉切得好薄, 外層少脆, 裡面半生熟而勁多肉汁, 加上爆香o既蒜片同少少酸汁.....而家諗番都想食呀, 一碟十件$180 好抵食, 兩個人食稍嫌多左少少, 3至4人食就啱啱好
總括黎講, 係味覺同精神都非常滿足o既一餐, 想食好野o既時候, 一定會再黎
張貼