蠔站 (荃新天地)

營業中

休息中

呢度出名生蠔🦪抵食！精選生蠔$10/隻，過下生蠔癮到好！我哋叫咗一打生蠔，生蠔唔算大隻，但算幾甜，有海水味，呢個價錢真係算唔錯。天氣熱，即到最好即食，生蠔先夠凍。除咗生蠔，呢度仲有午餐，估唔到星期日嚟食都有～ 午餐有意粉、飯、小食、鐵板牛等等。我哋另外叫咗兩個午餐揀咗鐵板牛，午餐跟麵豉湯、沙律、飯及飲品。麵豉湯味道有啲鹹，沙律都算新鮮。澳洲M6和牛腹$118 ，我覺得呢個肉質夠林，有三件份量都幾多。喺個鐵板自己燒，想幾成熟就幾成熟。另外點醬汁及加鹽就OK。蒜片牛柳粒$118，呢個份量真係好多。好多牛柳粒，牛柳粒冇調味，所以自己加鹽及醬汁。