蠔灘 (已結業)

哩個餐廳係香港仔開左一二年左右，今次都係第一次食。店內空間大，坐位間距離寛闊，坐得舒服。店內環境都唔錯，香港仔少有既餐廳。哩到推出左好多優惠，我地今次透過openrice訂位，5：30前入坐，7：00結帳，可享全單6折優惠（不包括特價食品）。公眾假期都有哩個優惠真係好抵架。食物方面都唔錯。以下幾款我大力推介：生蠔10蚊一隻，剩係個價錢已經非常吸引。以10蚊價錢哩款生蠔絕對係不過不失，唔會太癬，最重要係第二朝冇肚痾。😆哩塊牛扒正價$300幾，係有啲貴。不過6折左之後就變得好抵食。五成熟牛扒唔會好韌，牛味食到既，加上個醬汁，味道絕對令人滿意。哩個pizza6個人食，每人分到一塊，所以感覺唔會太漏，芝士滿哂既，餅底都好脆。水牛城雞翼味道辣辣地都好食。焗蠔有四款味道選擇，我地揀左其中三款，味道唔錯，正常水準。哩個麵普普通通，份量少左啲。無咩特別，煙肉火腿同哈蜜瓜唔夾。不過要食蔬菜哩款都係一個好選擇。整體黎講，哩到係香港仔少有既西餐廳，值得再返黎食。