SHY Xpress (已結業)

門口大大隻字推介蛋包飯及蛋牛治，諗住佢招牌嘢難食極有個譜，點知真係中伏。 叫咗個牛扒蛋包飯，基本上嗰片蛋完全同啲飯係分開嘅，好明顯係將煎好咗嘅一塊蛋皮放上碟然後放啲飯上去再將塊蛋皮對摺就叫自己做蛋包飯！我都冇奢望過可以同日本嘅蛋包飯相比，但都冇話咁甩皮甩骨架！ 味道方面，個飯有加蕃茄炒過但淡而無味。塊牛扒仲離譜，又韌又盛仲要係生嘅... 我想講，此乃我食過最難食的蛋包飯！等候外賣期間，見到有啲雜誌報導呢間餐廳，原來此餐廳係由一個tvb前藝員開的，仲話跟外父學了幾年茶餐廳沖奶茶及蛋牛治,我見啲食評都有讚啲蛋牛治出色，咁我不妨奉勸一句，專心做好蛋牛治吧。