茴香 (已結業)

難得天氣好，最近長期Work from Home再加上天色灰灰的，心情都好似冇咁起勁，所以今日lunch出去行吓。吸收下陽光，感覺都精神啲。搵吓尖沙咀有咩新Cafe，去到山林道帶我去以前有好多火鍋舖，食肆林立。不過疫情期間生意難做，見到好多舖頭都落晒閘。行到山林道中尾段，想去fennel cafe，一開lift, 好光猛。前後都有落地玻璃，景觀由佐敦望到朗豪坊，好大篇藍天。Set lunch有10幾款選擇，意粉類，牛扒，炒貴刁，喇沙等。泰國蟹頭油大蝦帶子意粉好有蒜香同蝦香味，10分鐘內已經清碟。兩隻蝦都幾大隻，清埋蝦腸。沙律菜好新鮮，食落脆脆的，牛油果剛剛好熟嘅質感配上三文魚香草包。熱mocha都有心機，Lunch嘅價錢都好相宜，再plan下一次再嚟先