金利豐海鮮酒家 (已結業)

放工後相約家人到深水宇宙商場側邊的酒家(金利豐海鮮)食晚飯，這間酒家價錢都合理及小菜款式都多過某些集團式酒家。尤其是用 $1 就可以享用全隻脆皮雞 (1-3人半隻) (4人以上全隻) ，今日點了 4 款小菜1) 椒鹽九肚魚 (炸得好鬆脆、脆到連骨都可以食埋，不過將條魚開邊，睇落去好似大條)2) 燒汁手切肥牛粒 ( 嘩 ..... 肥牛切成四方粒，粒粒都稔到入口即溶感覺，正呀!!! )3) 錦江海鮮豆腐煲 ( 煲內有好多材料，有幾件大炸豆腐，豆腐已索入了少許辣汁、 蝦2大隻、花枝3 - 4件、尤魚3 - 4件、珊瑚蚌、荀及菜花，不過d材料切得較為細粒 ， 基本上呢個煲味道 ok , 不過有少 ... 少 ... 少 ... 微辣，怕辣人都會入到口的， 不過唔知點解呢碟菜名叫做錦江? )4) $1脆皮雞 ( 雖然細隻，但好有肉，炸得皮脆肉滑，掂 ..... )飯後有糖水奉送