築地日本料理 (結志街) (已結業)

成年無0黎, 今日同朋友食lunch 0黎呢度, 叫0左個三色魚生綠茶soba, 朋友就食照燒汁雞扒飯. 另加三文魚壽司x 2 同帶子壽司一件.綠茶soba 超難食! 口感腍bad bad, 我自己0係屋企淥麵都好食過佢, soba 汁完全無味, 同水無分別! 好在d 魚生ok, 吞拿魚/三文魚/劍魚定唔知鱆紅魚食落都幾新鮮. 帶子壽司就唔錯, 鮮甜, 壽司飯唔夠醋味不過師傅手勢唔錯, "手握" 得唔錯.朋友形容佢個飯為"老雞蜜糖撈飯"... 賣相已經唔掂, 試0左佢一啖飯, d 汁甜得過份, 唔好食. 三文魚壽司我無試, 不過朋友無乜出聲, 相信唔差亦唔會好好.環境都係咁啦, 幾乾淨, 不過以前0黎感覺cosy 好多; service 就令人汗顏, 女店員黑面, 態度亦唔得, 對客人講0野好呼呼喝喝feel, 同之前個好慢但又好得意0既四眼叔叔完全無得比.只係1 年無0黎, 竟然可以差得咁緊要, 真係搵唔到再0黎0既原因!