hoo韓國包車

營業中

休息中

呢間位於尖沙咀厚福街嘅韓國餐廳一直都好想去試吓，嘉欣佢嘅裝修真係好有韓國特色，就好似穿越咗去韓國街頭咁，超級適合你打卡呃like ！食物味道都好正宗喎！一雞兩味呢個係雙拼炸雞，我哋揀咗原味同甜辣味，炸雞表皮炸得好鬆脆，裏面嘅雞肉好嫩好多汁！香辣味就會更加惹味，因為佢外層醬汁甜甜辣辣，會比較開胃！街頭魚糕串呢個串串鍋都係招牌菜，每次去韓國必食嘅魚糕串梗係一定要試吓啦！食落係熟悉嘅味道，魚糕彈牙！值得一提嘅係佢仲有啲蘿蔔喺窩底，蘿蔔煲到好軟腍，嗍曬魚膏汁！芝士蟹膏蟹肉蛋卷呢個好驚喜！蛋捲蛋味好香濃，而裏面係包裹滿滿嘅蟹柳同埋芝士，每一啖都超級滿足！吞拿魚拳頭飯呢個都好特別，類似於手握飯，圓滾滾一粒好可愛，每一粒飯都好紮實，吞拿魚紫菜同埋啲飯嘅比例啱啱好！一個幾特別嘅菜式！可以一試🥳