黃珍珍泰國菜館 (已結業)

澳洲表弟來港，約左尋晚去黃珍珍晚飯。6點半左右到，大約6，7成客。叫左咖喱蟹1隻 $338 ：今次個汁有d浠，加上大量洋䓤同芹菜，都好好味，用豬仔飽點汁一起食，簡直欲罷不能。蒜子胡椒鮮尤併波蘿 $108 ：藓波蘿好甜，尤魚炸到外脆內軟，大量蒜粒墊底，起好食但又好邪惡呀！鹽燒海中霸（即燒魚）$188：好大條，燒到個皮好香好脆，個魚肚入面放左d香料，d魚肉就好滑，但好似貴左少少。海鮮干炒河 $98 ：有青口，鮮尤，大蝦，旦絲，材料好豐富，應該加左d魚露炒，炒得獲氣也夠，吾錯。咸魚炒椰菜苗 $98 ：椰菜苗並不太苗，有點老，咸魚切得好大粒，仲炒到好多水，味道就一般，這個差少少。杧果糯米飯 $61 ：白糯米硬身左d，黑糯米就軟硬適中，加上大量椰漿，鮮杧果好甜及份量也不少，需然好飽，但也食不停手。埋單6位 $990，價錢ok，坐得也舒服。