影片
更多
2025-06-28
52 瀏覽
當巴斯克未成氣候時已開始食，後期佢就好似雨後春筍咁無處不在，有名氣又平啲既選擇有家後（$3x），貴少少既（無論有冇堂食）都賣到$60-70/件。行旺角，路經呢間蚊型舖，佢舖面細，唔起眼。睇Openrice先知佢都有分店，主要賣台式飲品、小食，評價幾高，但就好少人評論佢的巴斯克芝士蛋糕。見佢凍櫃有蛋糕就行埋去。店員係I人，冇推銷。凍櫃放咗3款巴斯克芝士蛋糕：原味、伯爵茶味同鹹蛋味，劃一$38/件，定價同家後差唔多，但蛋糕睇落至少大1/3。未試過鹹蛋味巴斯克，一諗到鹹蛋黃的邪惡鹹香就好想試。外賣1件，俾錢時問店員收乜，佢答：「乜都收~」。心諗，冇可能卦？我試探：「信用卡呢？」（好多舖頭唔過指定金額都拒收信用卡架嘛）「都收呀~」店員語氣幾溫柔，包裝時又非常細心，小心翼翼、慢慢整理。完成後，佢仲提醒：「今日食唔曬，記得要放雪櫃~」鹹蛋味巴斯克芝士蛋糕：既然目測大件，返到屋企就驗驗一下，一件178克，份量大過好多市售的巴斯克。以東海堂的冷藏開心果巴斯克芝士蛋糕為例，1個只係330克，如果喺呢間舖買2件，份量已多過東海堂；味道方面，第一啖已有鹹蛋味，蛋糕鹹香，對比甜味的巴斯克，鹹食感覺實在啲，而且
行旺角，路經呢間蚊型舖，佢舖面細，唔起眼。睇Openrice先知佢都有分店，主要賣台式飲品、小食，評價幾高，但就好少人評論佢的巴斯克芝士蛋糕。見佢凍櫃有蛋糕就行埋去。店員係I人，冇推銷。凍櫃放咗3款巴斯克芝士蛋糕：原味、伯爵茶味同鹹蛋味，劃一$38/件，定價同家後差唔多，但蛋糕睇落至少大1/3。未試過鹹蛋味巴斯克，一諗到鹹蛋黃的邪惡鹹香就好想試。外賣1件，俾錢時問店員收乜，佢答：「乜都收~」。心諗，冇可能卦？我試探：「信用卡呢？」（好多舖頭唔過指定金額都拒收信用卡架嘛）「都收呀~」店員語氣幾溫柔，包裝時又非常細心，小心翼翼、慢慢整理。完成後，佢仲提醒：「今日食唔曬，記得要放雪櫃~」
鹹蛋味巴斯克
$38
5 瀏覽
0 讚好
0 留言
鹹蛋味巴斯克芝士蛋糕：既然目測大件，返到屋企就驗驗一下，一件178克，份量大過好多市售的巴斯克。以東海堂的冷藏開心果巴斯克芝士蛋糕為例，1個只係330克，如果喺呢間舖買2件，份量已多過東海堂；味道方面，第一啖已有鹹蛋味，蛋糕鹹香，對比甜味的巴斯克，鹹食感覺實在啲，而且鹹蛋同芝士的味道好匹配；質感：蛋糕體係全實心，冇流心效果，質地亦講唔上輕軟，佢似紐約芝士蛋糕果種，呢個質感好壞與否視乎個人喜好，我鍾意有咬口，慢慢「嗒」，所以鍾意佢夠實淨，同埋蛋糕體入面都有少少蛋黃碎，好特別
鹹蛋味巴斯克
$38
6 瀏覽
0 讚好
0 留言
鹹蛋味巴斯克
$38
8 瀏覽
0 讚好
0 留言
由於實在好食又抵食，所以已打算試埋佢的伯爵茶味同開心果味喇。
張貼
