位置係黃埔Benz showroom附近，撘地鐵去黃埔站B出口，步行五分鐘左右到，好易揾。地方新淨光猛，卡位出奇地闊落，坐得好舒服。
龍蝦鮑魚籠仔蒸飯，必須一日前打電話預訂。龍蝦好鮮甜多汁，鮑魚好爽口，配果皮蒸好香，個飯底係蛋白炒飯，索曬海鮮汁同蒜蓉，夠味到一滴豉油都唔洗落，真係好正，會有下次👍🏻
1
沙薑雞例牌係半隻，雞皮唔肥夠瘦，但肉滑，沙薑汁夠濃，灑上芝麻好香，即刻叫多碗白飯😂
三色肉餅有驚喜！蝦餅+墨魚餅+肉餅係以慢火煎，所以製作需時。香口彈牙有肉汁，冇半油炸個D咁又乾又熱氣。
叫咗士多啤梨乳酸特飲，消暑透心涼！用Maison Jar上，好大杯😆
