鮮貨用一個個木牌寫住有埋價錢在枱上的小籐籮中可以慢慢睇，幾好玩，而且唔使吓吓問價錢咁煩。
基本上刺身、燒物等食物都甚有水準，除了照片中個人推介的海膽、秋刀魚、粒貝刺身、燒牛舌，仲點咗龍蝦沙律、金目鯛刺身、燒雞尾同炸芝士波，都好味，但唔記得影相。最後仲用我哋點咗做刺身嘅金目鯛魚骨煮咗個豆腐魚湯，好鮮味。
老板娘好親切，我哋點菜會俾意見，又驚我哋食唔晒阻止我哋叫再點菜。無限時交枱，可以慢慢食同傾吓偈唔使趕。
整體而言食物水準很高，有驚喜，環境舒服得來氣氛唔拘謹，連唔食魚生的都食得好開心，大家對這餐都很滿意。
