影片
更多
2016-10-04
4038 瀏覽
哩楝太子集團中心大廈應該係重新再新裝條, 現時我見只得兩間餐廳, 我估哩度會成為尖沙咀另一楝專"搵食"既大廈!朋友話想食川菜辣野, 佢地就楝左哩間, 聽聞係米芝連推介, 其實係我心中, 我覺得米芝連推介既餐廳, 未必係一定好食, 人家都係聽個名就去試, 但今次係朋友仔佢地話事, 所以我都冇異議....一入到去, 環境已經一流, 高高在上, 冇遮擋, 可以望到尖沙咀海旁那邊! 夫妻肺片, 通常食川菜都必叫, 夠辣, 跟住同出面食既分別不大素春卷, 一般, 冇特別, 唔知入面包左啲乜野, 食落帶有少許辣, 炸得夠脆身豆酥炸魷魚, 少許辣, 魷魚唔會話炸到好乾身, 但係味道唔太夠手抓餅, 一上枱....覺得咁濃既, 同其他人POST 上去既相唔同既, 我地話應該係炸濃左, 可能因為炸過, 所以香口, 如果帶返少許蔥, 可能會更香, 但係好油....叫左杯 Sichuan Cooler Mocktail, 有荔枝+SPRITE, 好似汽水咁, 甜甜地, 都可以解下辣 擔擔麵, 我唔覺得辣, 唔夠花生味, 但係啲麵條夠彈牙, 都唔錯!孜然豬仔骨 (三支), 落ORDER 時, 待應問我地要唔要減
朋友話想食川菜辣野, 佢地就楝左哩間, 聽聞係米芝連推介, 其實係我心中, 我覺得米芝連推介既餐廳, 未必係一定好食, 人家都係聽個名就去試, 但今次係朋友仔佢地話事, 所以我都冇異議....
一入到去, 環境已經一流, 高高在上, 冇遮擋, 可以望到尖沙咀海旁那邊!
夫妻肺片, 通常食川菜都必叫, 夠辣, 跟住同出面食既分別不大
素春卷, 一般, 冇特別, 唔知入面包左啲乜野, 食落帶有少許辣, 炸得夠脆身
豆酥炸魷魚, 少許辣, 魷魚唔會話炸到好乾身, 但係味道唔太夠
手抓餅, 一上枱....覺得咁濃既, 同其他人POST 上去既相唔同既, 我地話應該係炸濃左, 可能因為炸過, 所以香口, 如果帶返少許蔥, 可能會更香, 但係好油....
叫左杯 Sichuan Cooler Mocktail, 有荔枝+SPRITE, 好似汽水咁, 甜甜地, 都可以解下辣
擔擔麵, 我唔覺得辣, 唔夠花生味, 但係啲麵條夠彈牙, 都唔錯!
孜然豬仔骨 (三支), 落ORDER 時, 待應問我地要唔要減辣, 我地心唸咁問得, 莫非係好辣既, 我地話要減辣, 少辣, 結果黎到一試, 我覺得一啲都唔辣! 如果你係食到辣既話, 可以照返原味辣都應該可以! 啲豬仔骨夠入味, 一支支楂住黎食, 夠方便
薑雞, 應該係我地唯一一款點既菜係一啲都唔帶辣既, 帶有少許甜味, 啲雞切到一塊塊好薄, 睇落去好似一塊塊豬頸肉咁, 哈! 雖然切到好薄, 但係啲雞唔"鞋"口!
甜品: 豆沙鍋餅配雪糕 ($108), 其實我覺得配個雪糕係有種畫龍點睛既感覺, 一啲都唔配搭, 可能配多一球雪糕又可以多收 $40-50, 雪糕普通貨仔既士多啤梨雪糕, 好奶, 麻麻...反而個豆沙鍋餅個皮做得唔錯, 有少少"煙靭", 有啲咬口, 好味...豆沙個餡亦唔太甜, 適中!
張貼
