影片
更多
2016-12-03
980 瀏覽
韓國餐廳開到成行成市, 緊有一間係左近. 但今次黎呢間首爾屋好特別, 特別在唔單只係韓國人主理, 仲要係0係首爾既大學學過烹飪. 相信香港無幾間韓國餐廳有呢個賣點.坐低點完野食之後, 店員好快就送上韓食一定有既前菜.西蘭花腸仔 味道有少少辣, 少少麻油味.芽菜 好香既麻油味, 食落好爽口前菜除左呢兩樣之外, 當然仲有泡菜, 夠辣我鐘意! 全部前菜都夠凍, 最怕食到暖既凍盤!主菜好快就送上首先黎既係豆腐湯. 店主拎黎既時候仲滾緊, 新鮮做起. 未食已經聞到一陣好香既韓式辣醬味!入面都幾足料, 大大舊滑0都0都既豆腐, 無滾到爛晒, 我好怕豆腐好重豆味, 呢度既豆腐豆味唔重, 而且好滑,食落口感有D似蒸水蛋甘. 除左豆腐, 仲有金姑 等蔬菜, 配埋白飯食, 一流~! 豆腐湯睇落好紅, 以為好辣, 但其實唔太辣, 反而係湯底好濃, 唔辣味無蓋過晒所有野.海鮮蔥油餅超中意食既海鮮煎餅. 又係新鮮做起, 熱辣辣, 餅邊煎到好脆, 中間就煙煙UN UN, 而且塊餅都幾厚, 足料好多蝦, 魷魚, 加埋蔥同埋蘿蔔絲, 一D都無偷功減料!最後叫左炒辣芝士年糕拉面拉面本身唔係太林, 上面鋪左層辣醬, 再
坐低點完野食之後, 店員好快就送上韓食一定有既前菜.
西蘭花腸仔 味道有少少辣, 少少麻油味.
芽菜 好香既麻油味, 食落好爽口前菜除左呢兩樣之外, 當然仲有泡菜, 夠辣我鐘意! 全部前菜都夠凍, 最怕食到暖既凍盤!
主菜好快就送上
首先黎既係豆腐湯. 店主拎黎既時候仲滾緊, 新鮮做起. 未食已經聞到一陣好香既韓式辣醬味!
入面都幾足料, 大大舊滑0都0都既豆腐, 無滾到爛晒, 我好怕豆腐好重豆味, 呢度既豆腐豆味唔重, 而且好滑,食落口感有D似蒸水蛋甘. 除左豆腐, 仲有金姑 等蔬菜, 配埋白飯食, 一流~! 豆腐湯睇落好紅, 以為好辣, 但其實唔太辣, 反而係湯底好濃, 唔辣味無蓋過晒所有野.
海鮮蔥油餅超中意食既海鮮煎餅. 又係新鮮做起, 熱辣辣, 餅邊煎到好脆, 中間就煙煙UN UN, 而且塊餅都幾厚, 足料
好多蝦, 魷魚, 加埋蔥同埋蘿蔔絲, 一D都無偷功減料!最後叫左炒辣芝士年糕拉面
拉面本身唔係太林, 上面鋪左層辣醬, 再有一層熱溶左既芝士年糕係面. 放係台上已經聞到香味!
芝士夠多, 可以拉絲
滿足大合照
估唔到香港都可以食到甘正宗既韓國菜, 傳統同新派韓國菜式都處理得好好~ 會介紹朋友黎食的
張貼
