呂錦記手撕雞專門店 (筲箕灣道)

之前朋友介紹過呢間手撕雞，一直都想試吓，今日去西灣河順便買返屋企加餸！
呢度嘅手撕雞有好多款口味，仲有古法水晶雞同小食，佢地係採用新鮮土雞，營養豐富又健康⋯零添加‼️無味精‼️無激素‼️
今日買咗盒川香手撕雞同草蟲花水晶雞加餸

川香手撕雞 $60
川香手撕雞相比香辣會帶點陣陣麻嘅味道，雞肉肉質鮮嫩，份量都幾多，超級惹味。

蟲草花水晶雞 $88
用錫紙包好既水晶雞，一打開香氣十足！底層有勁多嘅蟲草，非常足料👍🏻半隻雞嘅份量，肉質肥美非常嫩滑，充滿鮮甜雞汁。

喜歡吃雞的朋友絕對值得一試！