龍逸軒

營業中

休息中

已有一段日子冇同另一半去酒店食飯，所以今次特意去咗尖沙咀九龍酒店龍逸軒試下中菜。 我哋今次叫左個二人餐 頭盤有燒鵝海蜇頭，跟住就龍王太子羹，八頭鮑魚扣花菇，xo醬黑豚肉生菜包，仲有香蔥豆腐蒸斑球， 最後就蝦子鮑汁撈麵，甜品就有楊枝甘露同埋流沙奶皇煎堆。 講真個餐份量就唔算太多，但係都夠食。而每樣餸都好精緻 我就好鍾意食嗰個黑豚肉生菜包因為佢啲料真係整得好好味，其次就係豆腐蒸斑球，豆腐好滑，最正係斑球，真係好鮮味，最後要讚就係嗰個蝦仔鮑汁撈麵，佢啲蝦子多同埋個鮑汁真係整得好好味，撈埋個麵食就最正。可能我本身都係一個鍾意食麵嘅人啦。 整體服務環境都唔錯，因為我去嗰日唔多人得大概八張枱左右，而且環境都靜，傾到計。 如果想靜靜地傾下計一家人食飯就好建議你呢度試下。