打邊爐海鮮火鍋燒烤店 (已結業)

每次打邊爐，例必要有靚湯底，嘆吓D湯先慢慢烚，朋友話呢間D巨蟹湯底好正， 㸃知比我叫左個烤活魚龍躉， 裏面有燈籠椒， 酸菜，西芹，芫茜，支足，菌菇同芽菜等等.,條新鮮龍躉經過油炸之後, 放在滿載材料的上湯裏端出來，重未熟㗎，等佢同D材料喺您面滾下滾下，D香味不斷撲面嘅時間就剛剛好熟了，又滑又香的魚肉實在難以抗拒，尤其D酸莱同據講經過秘制的燈籠椒發揮出來的酸辣湯魚汁啱晒我口胃，大家話咁快就食晒條魚，重叫左白飯撈埋汁添!食完條魚就用D魚湯汁烚下嘢食了，當然要補番D上湯先，因為條魚同D燒魚汁重有D配料都幾乎落晒我哋個肚了。呢幾個海鮮都非常新鮮甜美扎扎跳的花竹蝦大大隻的大蜆立立令的貴妃蚌試埋個招牌臘味煲仔飯， 大大煲，材料超多，一攞出嚟師傅已經馬上趁熱將香噴噴嘅飯分好給我們每人一碗，如想食飯焦記得早D同分飯嘅師傅講啦。D臘味都算瘦, 睇相都知道唔會有太多的肥豬肉。天寒地冬，食完呢餐，大家都暖晒，非常滿足咁捧住個肚走了!