影片
更多
2009-02-28
17 瀏覽
兩公婆食都冇野好食，本身想去潮樓隔離0個間上海野度試，點知排隊排到LIFT 口，算吧﹗上多一層食乜都好啦！哇！估唔到下面0個層咁熱鬧，上一層咁靜。坐低左，見到個菜譜得咁鬼少野，得一張紙，我就明白點解呢度會咁少人啦！食野選擇真係少左D。侍應話龍蝦做推介，6.8蚊一兩，我地都好耐冇食過龍蝦，都想試下，打算叫佢俾二斤左右俾我地，點知，佢俾我地睇二斤既龍蝦，竟然係三隻細野放埋一個袋度叫二斥鬆D！搞錯呀！好搵笨架喎！後尾老公決定一係唔食，食就梗係要啖啖肉！佢出去楝左隻三斤左右的。我覺得如果真係傻下傻下咁要左三隻細既，我以後一定唔會再入呢間野度食飯！咁都SERVE得就好唔老實啦！你估食蝦瞉咩！不過，呢度都過一段落喇！因為我地隻龍蝦好多肉好彈牙。芝士焗龍蝦-------首先龍蝦係芝士焗！好好味！佢係用油拖左一拖先拿去焗！外面脆脆地加埋真係啖啖肉！好好味！芝士又唔太GREASY, 龍蝦質感又煙靭，好得！我地盡食都只食到三分一，淨番超多拿走！鮑片咸蛋節瓜煲------哇！個煲正常SIZE，但係, 入面既節瓜料唔知係縮水定係乜，好似俾人偷食完咁！好細窩，本身想問下個經理，後尾放棄左，可能因為節瓜佢係切到超
侍應話龍蝦做推介，6.8蚊一兩，我地都好耐冇食過龍蝦，都想試下，打算叫佢俾二斤左右俾我地，點知，佢俾我地睇二斤既龍蝦，竟然係三隻細野放埋一個袋度叫二斥鬆D！搞錯呀！好搵笨架喎！後尾老公決定一係唔食，食就梗係要啖啖肉！佢出去楝左隻三斤左右的。我覺得如果真係傻下傻下咁要左三隻細既，我以後一定唔會再入呢間野度食飯！咁都SERVE得就好唔老實啦！你估食蝦瞉咩！不過，呢度都過一段落喇！因為我地隻龍蝦好多肉好彈牙。
芝士焗龍蝦-------首先龍蝦係芝士焗！好好味！佢係用油拖左一拖先拿去焗！外面脆脆地加埋真係啖啖肉！好好味！芝士又唔太GREASY, 龍蝦質感又煙靭，好得！我地盡食都只食到三分一，淨番超多拿走！
鮑片咸蛋節瓜煲------哇！個煲正常SIZE，但係, 入面既節瓜料唔知係縮水定係乜，好似俾人偷食完咁！好細窩，本身想問下個經理，後尾放棄左，可能因為節瓜佢係切到超幼既絲，所以一淋左就會變到縮左水！鮑片有冇其實都冇乜分別，食唔到飽魚味道的！但咸蛋絲同節瓜絲一起，就變成一個好好既配搭，我都食晒成窩。
肉碎乾扁四季豆-------我覺得好好味，但老公嫌佢唔夠乾喎！如果鍾意乾身的四季豆，呢間確係唔推介，但如果唔介意食漲BOOK BOOK又有水份的四季豆，我個人覺得都好好味！肉碎好夠咸，加埋四季豆一齊食真係好好餸飯喎！不過我覺覺譚魚頭的四季豆真係有水準過呢度既！
總括黎講，我自己食得幾開心丫！冇乜不滿，可以去試下喎！
張貼
