Master Kama (已結業)

一心想重拾喺倫敦食龍蝦包嘅感覺，見銅鑼灣有兩間，而呢間好評唔少，結果黎左呢間，但好失望夜晚九點幾，兩個人食，叫左個龍蝦包，龍蝦玉子燒，牛油焗雜菌，完全唔夠飽但埋單都好似每人二百，仲要最好食已經係雜菌。龍蝦包內嘅龍蝦份量少，掹開個包少少其實已經見唔到龍蝦，啲龍蝦只係喺哂個頂。啲醬亦唔係調好混合埋龍蝦肉，龍蝦唔係特別搣得好碎，一舊舊唔同大細但又唔係有龍蝦味。同倫敦嘅水準差太遠，但人地都係£20，selling point係有一隻龍蝦嘅份量，包內嘅整個橫切面都有龍蝦。呢度好似都$18x，but I highly doubt if it has 1/4 of its portion. 唯一一個可以讚嘅地方係個包多士都幾脆，牛油味濃。龍蝦玉子燒，出水嘅，點搞呀。又係得好少龍蝦肉，而且係蛋有蛋食，龍蝦有龍蝦食。相比之下深宵食堂嘅蟹肉玉子燒真係好好味... 玉子燒亦唔係一層層嘅玉子.... 好茸茸爛爛又多水，唔知點形容。唯一嘅好就係有白蘿蔔茸...玉子燒內仲有好大條下嘅龍蝦骨....總結: 無下次